Kosova

Dy të vdekur në Kosovë, goditen nga treni  

Një 51-vjeçar ka vdekur mëngjesin e së premtes në Pejë, si pasojë e goditjes nga treni, njofton Policia e Kosovës. Policia thotë se  S.L, 51 vjeç, është goditur nga treni i udhëtarëve deri sa po kalonte hekurudhën, rreth orës 06:00 të mëngjesit.

Policia njofton se ekipi mjekësor në vendngjarje ka konstatuar vdekjen e viktimës. Në njoftim, thuhet se hetuesit rajonalë të Policisë janë duke bashkëpunuar ngushtë me prokurorin e shtetit për të hetuar të gjitha rrethanat lidhur me këtë rast, përcjell albinfo.ch.

Ndërsa policia në Prishtinë njofton se mbrëmë ka vdekur në QKUK  i riu që para disa ditësh u godit nga treni në afërsi të kazermës “Adem Jashari” në Prishtinë.

I.H. kishte shkuar për të aplikuar për rekrut në FSK kur ka ndodhur aksidenti.