Tematike
Ekspertët tërheqin vërejtjen: Zvicra nuk është e gatshme për lehtësimin më të ri
"Hapat lehtësues paraqesin një rrezik të lartë që situata të përkeqësohet nëse numri i infeksioneve rritet përsëri, ka thënë Matthias Egger, kreu i task force-s shkencore
Siç dihet tashmë, Këshilli Federal ka ndërmarrë të premten hapin më të madh lehtësues, duke lejuar ngjarjet deri në 1.000 njerëz, duke ulur distancën sociale nga 2 metra në 1.5 etj.
Por, shkencëtarët dhe ekspertët e Zvicrës janë të shqetësuar dhe po tërheqin vërejtjen se Zvicra nuk është e gatshme për lehtësimin e fundit të rregullave rreth koronavirusit që do të fillojnë të zbatohen nesër. Këtë deklaratë e ka dhënë Matthias Egger, kreu i grupit federal (Task Force) të kërkimit, për tri gazetat e të dielës në Zvicrën gjermane.
“Nga një këndvështrim shkencor, hapat lehtësues paraqesin një rrezik të lartë që situata të përkeqësohet nëse numri i infeksioneve rritet përsëri”, ka thënë Egger, transmeton albinfo.ch. Ende nuk ka një sistem funksionimi të mbikëqyrjes për tërë Zvicrën.
Zyra Federale e Shëndetit Publik ka konfirmuar se ende nuk ka “një mbikëqyrje gjithëpërfshirëse”, përcjell albinfo.ch. BAG po punon për këtë qëllim së bashku me kantonet.
Për virologun Marcel Salathé, i cili shoqëron aplikacionin për ndjekje të gjurmëve, të lansuar nga Qeveria Federale, çështje thelbësore është mbajtja nën kontroll e rritjes së numrit të rasteve që mund të vijë si pasojë e lehtësimit.
Ai ka thënë për emisionin Tagesschau të srf: “Në terma konkret, kjo do të thotë, për shembull, që numrat duhet të raportohen shumë shpejt, se gjurmimi i kontaktit duhet të bëhet me shumë efikasitet”, transmeton albinfo.ch. Me fjalë të tjera, “sigurimi me të vërtetë i shpejtë i të dhënave dhe aksesi i shpejtë i të dhënave, është i domosdoshëm, gjithashtu për shkencën”.
Epidemiologja Sarah Tschudin nga Spitali Universitar Bazel do të preferonte më shumë maturi: “Nga ana e grupit të punës Covid 19, ne në fakt propozuam që lehtësimi të varet nga numri R” (nga shkalla e riprodhimit të virusit), përcjell albinfo.ch. Por, është e qartë se Këshilli Federal ndodhej nën një presion të caktuar për t’u rikthyer në normalitet, pavarësisht rritjes së numrit të riprodhimit të virusit”.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane