Futboll

FC Kosova Zürich lëshon fitorën në minutën e fundit të lojës

Ekipi më i sukseshëm shqiptar në Zvicër, FC Kosova, ka mbyllur dje ndeshjen e dytë kampionale me barazim, duke marrë gol në minutën e 90-të.

Ndonëse e startuan mjaftë mirë ndeshjen ndaj ekipit USV Eschen-Mauren, duke shënuar një supërgol nga distanca në minutën e 15-të përmes sulmuesit Diego Zoller dhe gjashtë minuta më vonë prapë përmes një solo-driblimi të po të njejtit lojtar, Zoller- nuk ia dolën ta ruajnë rezultatin prej dy golash epërsi deri në fund.

Ekipi musafir i ardhur nga mbretëria e Liechtensteinit luajti mirë dhe nuk u dorëzua për asnjë moment së kërkuari golat e ngushtimit të epërsisë. Kështu, ata ngushtimin e epërsisë në 2-1 e arriten në minutën e 40-të përmes një gjuajtje të lirë të cilën me precizitet të lartë e gjuaji Stjepan Vuleta.

albinfo.ch

Pjesën e dytë Kosova e nisi me nervozitet e duke bërë gabime në pasime, pasi presioni i musafirëve në mesfushë rritej dhe loja në dyluftime ashpërsohej. Kështu lojtari i FC Kosovës, Heroid Gjoshi u ndëshkua me kartonin e dytë të verdhë në minutën e 62 dhe Kosova mbeti me 10 lojtarë në fushë për pjesën tjetër të lojës.

albinfo.ch

Musafirët e shfrytëzuan epërsinë e numrave në fushë duke krijuar raste të mira për shënim, por që nuk e kalonin dot portën e Arianit Lazrajt. Kur po zhvillohej minuta e 90 e lojës dhe me qindra shikues po prisnin arkëtimin e tri pikëve të para të FC Kosovës, nga një distancë e largët shfaqet prapë me një gjuajtje precize Stjepan Vuleta, dhe tund rrjetën ne këndin e djashtë të portës së Arianit Lazrajt.

Më pas Kosova sikur u zgjua dhe pati dy raste shënimi në minutat shtesë të lojës, por pa konkretizim. FC Kosova Zürich ka zhvilluar dy ndeshje kampionale dhe renditën në pozitën e dhjetë me një pikë. Kundërshtari i ardhshëm FC Linth 04  e pret Kosovën me 29 gusht në Näfels

Dominik dhe Denis Simani në të djathë-lojtari që është ngjitur sivjet me FC Vaduz-in në Superligën zvicerane
ish-presidenti i FC Kosovës për shumë vite, Arsim Hyseni nderohet me mirënjohje për kontriboutin e tij
albinfo.ch
albinfo.ch
albinfo.ch
albinfo.ch
albinfo.ch
albinfo.ch

 

 


LAJME INTERESANTE NGA INTERNETI