Kultura
“Zana”, premierë botërore në Toronto
Filmi i gjatë artistik “Zana” nga Antoneta Kastrati, do ta ketë premierën botërore në Festivalin Ndërkombëtar të Filmit në Toronto (TIFF), që do të mbahet gjatë datave Shtator 2019, përcjell albinfo.ch.
Kështu ka njoftuar Qendra Kinematografike e Kosovës, për filmin i cili është prodhim i përbashkët mes Kosovës dhe Shqipërisë.
“Të jesh nga një vend i vogël, dhe t’i përkasësh brezit të parë të kineasteve femra nga Kosova, është nder për mua që ta shfaq filmin tim të parë në një festival kaq të respektuar dhe në mesin kineastëve të mrekullueshëm. Këtë vit shënohet edhe 20-vjetori i luftës së Kosovës, dhe filmi ZANA është përpjekja ime e gjatë për të reflektuar në të kaluarën time personale të kohës së luftës. Për mua është shumë e veçantë që për herë të parë arrij ta ndaj këtë histori me një audiencë më të gjerë. TIFF e ka bërë të mundur këtë”, citohet të ketë thënë regjisorja.
Siç e përshkruan QKK, filmi “Zana” është një dramë tronditëse dhe emocionuese që përcjelle një grua të re kosovare që përpiqet të bëhet nënë, përderisa ballafaqohet me tmerret nga kaluara e saj e errët e kohës së luftës.
Producent i filmit ZANA është Casey Cooper Johnson, bashkëproducente Sevdije Kastrati me Crossing Bridges Films (Kosovë), Dritan Huqi me On Film Production (Shqipëri) dhe Miguel Govea dhe Brett Walker nga Alief. Në rolet kryesore luajnë Adriana Matoshi, Astrit Kabashi, Fatmire Sahiti, Mensur Safqiu, Irena Cahani, Shengyl Ismajli, Vedat Bajrami, Çun Lajçi dhe Ilire Vinca.
“Ndërsa mbështetësit kryesorë financiarë të filmit janë Qendra Kinematografike të Kosovës, Qendra Kombëtare e Kinematografisë (Shqipëri), Panavision New Fimmaker Grant, SFFILM Rainin Grant, Light Iron dhe Komuna e Pejës. Projekti filmik ishte po ashtu pjesëmarrës i MIDPOINT Feature Launch 2017, fitues i MIDPOINT Development Award, dhe pjesëmarrës i MIDPOINT Editing Room”, njofton QKK, përcjell albinfo.ch.
Të ngjashme
Të tjera nga Kultura
E-Diaspora
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor