Fluks në kufijtë e Kosovës, pritjet arrijnë deri në 90 minuta

Qendra Kombëtare për Menaxhim Kufitar njofton se në disa pika kufitare janë krijuar kolona të gjata, ndërsa në pjesën më të madhe të vendkalimeve qarkullimi vijon normalisht, transmeton albinfo.ch. 

Qendra Kombëtare për Menaxhim Kufitar ka publikuar përditësimin më të fundit mbi gjendjen në pikat kufitare të Kosovës, duke bërë të ditur se në disa vendkalime janë regjistruar pritje më të gjata për hyrje në vend, transmeton albinfo.ch.

Sipas të dhënave të përditësuara në orën 14:13, situata më e ngarkuar paraqitet në pikën kufitare të Muçibabës, ku qytetarët po presin deri në 90 minuta për të hyrë në Kosovë. Në këtë vendkalim është krijuar një kolonë automjetesh me gjatësi rreth 600 metra.

Fluks i shtuar është evidentuar edhe në pikën kufitare Dheu i Bardhë, ku pritjet për hyrje zgjasin deri në 30 minuta, ndërsa kolona e automjeteve arrin rreth 500 metra.

Në Han të Elezit, pritjet janë rreth 15 minuta si në hyrje ashtu edhe në dalje, me kolona prej afërsisht 100 metrash në të dy drejtimet.

Ndërkaq, në pikat e tjera kufitare, përfshirë Merdarin, Jarinjën, Bërnjakun, Kullën, Vërmicën, Qafën e Morinës, Qafën e Prushit, Stançiqin dhe Glloboçicën, qarkullimi po zhvillohet pa vonesa të konsiderueshme. Sipas të dhënave zyrtare, pritjet në këto vendkalime variojnë nga dy deri në pesë minuta./Albinfo.ch