Kosova
Formimi i ushtrisë së Kosovës alarmon Vuçiqin
Presidenti serb Aleksandar Vuçiq e ka quajtur lajm të keq mos heqjen e taksave ndaj mallrave serbe derisa Serbia ta njohë pavarësinë e Kosovës dhe paralajmërimin për formimin e ushtrisë, që sipas tij, është sinjal i një katastrofe “nëse dikush nuk e frenon Prishtinën”, shkruan AlsatM, përcjell Albinfo.ch.
“Jam shumë i shqetësuar nga fakti se autoritetet shqiptare nuk duan të dëgjojnë për heqjen e taksave kundër Republikës së Serbisë dhe ata vunë në dukje se këto taksa do të vazhdojnë derisa Serbia të njohë pavarësinë e Kosovës. Një tjetër lajm i keq është se shqiptarët njoftuan për formimin e Ushtrisë së Kosovës më 14 dhjetor, në kundërshtim me Kushtetutën dhe marrëveshjen me NATO-n” tha Vuçiq, duke shtuar se kjo sjell rrezik për Serbinë, shkruan AlsatM, përcjell Albinfo.ch.
“Synimi dhe dëshira e tyre është shumë e rrezikshme për ne dhe na çon në aktin përfundimtar. Serbia nuk do ta njohë pavarësinë e Kosovës, me Serbinë nuk flitet kështu”, tha Vuçiq.
Sipas tij, veprimet e Prishtinës janë të papërgjegjshme, të papërgjegjshme dhe çojnë në rrezik më të madh.
“Nuk dua të them fjalën se çfarë është qëllimi i tyre, por kam frikë se do të na sjellin para aktit të kryer”, tha ai.
Vuçiq tha se ngritja e taksave ndaj mallrave serbe do të ndikojë në Serbi, por jo në mënyrë dramatike.
“Duart tona nuk do të jenë të lidhura, por ne vazhdojmë të luftojmë për paqen, duke u shpjeguar të gjithëve se cili është qëllimi i shqiptarëve dhe të jemi me njerëzit tanë”, tha Vuçiq.
Të ngjashme
Të tjera nga Kosova
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor