Koronavirusi: çast pas çasti
Gjermania paralajmëron përhapje të re të koronavirusit
174 punëtorë infektohen në një fermë
Instituti gjerman për sëmundje ngjitëse “Robert Koch” e ka cilësuar si shumë shqetësuese rritjen e përgjithshme të numrit të rasteve të koronavirusit dhe ka thënë se është duke e monitoruar situatën për së afërmi.
Rritja e numrit të rasteve erdhi pasi autoritetet në rajonin e Bavarisë po përpiqen ta kufizojnë përhapjen e sëmundjes në mesin e punëtorëve sezonalë në një qendër për kultivimin e perimeve në qytezën Mamming, shkruan “CNN”.
Autoritetet njoftuan të dielën se 174 punëtorë apo rreth një e treta e të gjithë punëtorëve në qendrën për kultivimin e perimeve kanë dalë pozitivë në testin për koronavirus.
Në një konferencë për gazetarë të mbajtur të dielën, ministrja bavareze e Shëndetësisë, Melanie Huml, tha se autoritetet lokale e kanë vendosur fermën në karantinë të plotë. Aty punonin punëtorë sezonalë të ardhur nga Rumania, Bullgaria, Hungaria dhe Ukraina.
Hulm shtoi se punëtorët që kanë dalë pozitivë në testin për koronavirus janë ndarë nga pjesa tjetër e stafit dhe policia lokale, bashkë me një kompani private të sigurimit, janë duke e monitoruar karantinën.
Ministrja rajonale gjithashtu njoftoi se do të testohen për koronavirus edhe punëtorët e kompanive të tjera bujqësore në Bavari. Për më tepër, rreth 3,300 banorë të qytezës Mamming do të kenë mundësi të testohen falas.
Instituti “Robert Koch” njoftoi se në fund të javës së kaluar i ka regjistruar 815, përkatësisht 781 raste të reja në dy ditë të njëpasnjëshme, që paraqet rritje të konsiderueshme në krahasim me mesataren prej rreth 500 rasteve në ditë që shënohej më herët.
Të ngjashme
Të tjera nga Koronavirusi: çast pas çasti
E-Diaspora
-
Shkolla Shqipe Ostermundigen në Bernë fillon përgatitjet për festën e abetares Shkollat shqipe në Zvicër luajnë rol shumë të rëndësishëm tek fëmijët e mërgimtarëve në shumë dimensione,...
-
Baleti Kombëtar i Kosovës, gati për shfaqjen e parë në Nju-Jork
-
Leonard Danglli, i emëruar në Dekanatin e Fakultetit të Arteve Liberale në Universitetin Yorkville në Toronto
-
Dua Lipa reagon për vrasjet në Gaza
-
Java e Kulturës së Kosovës në Berlin
Jeta në Zvicër
-
Shkolla Shqipe Ostermundigen në Bernë fillon përgatitjet për festën e abetares Shkollat shqipe në Zvicër luajnë rol shumë të rëndësishëm tek fëmijët e mërgimtarëve në shumë dimensione,...
-
Zvicra kapërcen objektivin ekologjik
-
Konferenca e Paqes për Ukrainën në Zvicër, Zelensky e fton Biden-in
-
Punëtorët ndërkufitarë fitojnë më shumë se ata në Francë
-
Kuota e azilit promovon ndërtimin e banesave të përballueshme në komunat e Cyrihut