Kosova
Hajnat thyejnë dyqanin me veturë
Policia po kryen hetimet
Katër persona kanë thyer një dyqan në Prishtinë, derisa raportohet se të njëjtit kanë vjedhur laptopë në vlerë prej 10 mijë eurosh. Polica po kryen hetimet. Fillimisht e parkuan veturën e nga aty dolën tre persona. Më pas këtë mjet e përdorën për t’i thyer xhamat e këtij dyqani, ku shiten pajisje teknologjike.Gjithçka ndodhi të premten rreth orës 06:00 të mëngjesit.Më pas këta persona të maskuar filluan të merrnin gjithçka që kishin përpara brenda këtij lokali afër Hajvalisë në Prishtinë. Megjithatë hajnat jo të gjithë llap topat kishin arritur t’i marrin.
Zhurmën që u shkaktua nga kjo vjedhje e dëgjuan edhe pronarët e kësaj shtëpie që lokalin poshtë e kanë të lëshuar me qira.
Pronari i shtëpisë, Afrim Daka, nuk kishte arritur t’i identifikonte hajnat, megjithatë ka arritur ta mbajë mend tipin e veturës dhe ngjyrën e saj.
“Në ora 5 një kërsitme e madhe ka ndodh edhe u zgjum, derisa dulëm poshtë..kur po e shoh një audi pa tabela…njerëz plotë edhe gjitha xhamat vazhduan rrugën nga Prishtina…kjo ka ndodh shumë shkurt dy tre minuta krej operacioni që e kanë ba ata”, tha Arif Daka, pronar i shtëpisë.
Ndërkohë dëmet materiale duket se janë shumë të mëdha. Këtë gjë e thonë pronarët e këtij biznesi.
Në vendin e ngjarjes kanë dalë edhe njësitet relevante policore, përfshirë edhe ekipet e forenzikës.
Ndërkohë vjedhjet e pronave të qytetarëve, qofshin ato në shtëpi banimi, dyqane apo vetura, gjatë tre vjetëve të fundit në Kosovë kanë qenë të larta.
Mbi 30 mijë raste të vjedhjeve janë evidentuar prej vitit 2017 deri në vitin 2019.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor