Sporte Luftarake

Haradinaj: Epoka e xhudistëve tanë të pamposhtur lartëson emrin e Kosovës

Xhudisti kosovar, Akil Gjakova, ka fituar medaljen e artë në në kategorinë -73 kilogramë në Grand Prix që po mbahet në Budapest, përcjell albinfo.ch.

Me fitoren e Akilit është shprehur krenar edhe kryeministri i Kosovës, Ramush Haradinaj. Përmes një postimi në Facebook, Haradinaj ka shkruar se epoka e xhudistëve tanë të pamposhtur lartëson emrin e Kosovës.

“Akil Gjakova, kampioni ynë në Grand Prixin e Budapestit në Hungari. Na bëri krenarë lufta, përkushtimi dhe fitorja e tij. Urime! Epoka e xhudistëve tanë të pamposhtur lartëson emrin e Kosovës nëpër botë. Faleminderit”, ka shkruar Haradinaj.

Nora Gjakova e Distria Krasniqi kanë fituar medalje të argjendta, kurse nesër do të garojë edhe Loriana Kuka.