Maqedonia

Identifikohet viktima e tretë nga aksidenti në Serbi

Është identifikuar edhe viktima e tretë nga aksidenti tragjik në Leskovac në Serbi.

Bëhet fjalë për një grua, të moshës 63-vjeçare nga Kavadari, me inicialet V.K., raportojnë mediat shqiptare në Maqedoni.

Paraprakisht u identifikua edhe identiteti i dy viktimave të tjera, K.K., 68 vjeçe nga Koçani dhe V.Sh. 68-vjeçar nga fshati Buçin i Krushevës, përcjell albinfo.ch.

Ministri i Shëndetësisë i Maqedonisë, Venko Filipçe, pas vizitës së të lënduarve, tha se në spitalin në Leskovac për momentin janë të shtruar 8 persona dhe asnjëri prej tyre nuk është në rrezik për jetën.

Në spitalin e Nishit, sipas Filipçes, janë të hospitalizuar gjashtë shtetas të Maqedonisë me lëndime të rënda, të cilët pas vlerësimeve do të vendoset nëse do të operohen në Serbi ose do të kthehen në Shkup për t’u operuar.