Koronavirusi: çast pas çasti

Imuniteti i tufës, a është zgjidhje ndaj Covid-19?

Por a është me të vërtetë imuniteti i tufës një ilaç, koha e të cilit ka ardhur? A mund ta heqë mallkimin e Covid nga bota?

Ashtu si vetë virusi Covid-19, ideja e imunitetit të tufës është rikthyer sërish në jetën publike. Fillimisht u shpall si një mënyrë për të mbajtur pandeminë, duke lejuar që të ndodhin një numër i mjaftueshëm i infeksioneve dhe kështu të zvogëlohet numri i transmetimit të virusit. Sëmundja do të ndalonte së përhapuri, u argumentua.

Nocioni ra shpejt, kur studiuesit theksuan numrin e lartë të vdekjeve që do të duhej të ndodhte  në Mbretërinë e Bashkuar para se të arrihej imuniteti i tufës. Sidoqoftë, ideja tani është kthyer sërish.

Sipas nënshkruesve të Deklaratës së Madhe Barrington e cila u botua javën e kaluar, tani është koha për të hequr kufizimet e bllokimit për pjesën më të madhe të shoqërisë dhe për të lejuar që popullata të vazhdojë jetën e tyre duke mbrojtur ende të prekshmit dhe të moshuarit. Imuniteti i tufës do të ndërtohej dhe së shpejti pandemia e Covid-19 do të zhdukej, transmeton Scan, përcjell albinfo.ch.

Por a është me të vërtetë imuniteti i tufës një ilaç, koha e të cilit ka ardhur? A mund ta heqë mallkimin e Covid nga bota?

Siç tregojnë studimet, vetëm 8% ose më shumë e popullsisë britanike është infektuar me virusin Covid-19. “Për të arritur imunitetin e tufës do të na duhej që infektimi të arrinte rreth 70%,” tha Sir Robert Lechler, president i Akademisë së Shkencave Mjekësore. “Jo vetëm që jemi larg kësaj, por tani e dimë që imuniteti ndaj Covid-19 zvogëlohet me kalimin e kohës dhe se njerëzit mund të infektohen përsëri me virusin.”

Niveli 60 deri në 70%, në një përpjekje për të arritur imunitetin e tufës, do të kishte pasoja shkatërruese, thonë shkencëtarët. Edhe pse kjo do të ndalonte së përhapuri pandeminë, shumë njerëz do të humbnin jetën dhe ekonomia do të shkatërrohej, bashkë me sistemin shëndetësor.