Shqipëri
Ishulli në Sarandë, thesar i fshehur për turistët e huaj
Ishulli i Tongos në Sarandë është një tjetër thesar i ‘fshehur’ për vizitorët vendas dhe turistët e huaj.
Kryeministri shqiptar Edi Rama ka publikuar pamjet e këtij ishulli në rrjetet sociale, ku ajo që bie në sy është ndërthurja magjike mes të gjelbrës së natyrës dhe të kaltrës së detit Jon.
“Pothuajse i pazbuluar nga turistët, ishulli i Tongos në Sarandë është një copëz parajse në Jon, me ujin e kristaltë dhe rërën e bardhë”, shkruan Rama, përcjell albinfo.ch.
Saranda, e ndodhur në gjirin e detit Jon, konsiderohet si një nga vendet më të bukura të rivierës shqiptare dhe nga destinacionet më argëtuese.
E përkufizuar si “Qyteti i bardhë”, ajo është e rrethuar nga kodra dhe përballë saj ndodhet ishulli grek i Korfuzit. Përveç diellit e plazhit, Saranda njihet dhe për historinë dhe kulturën e saj: e magjishme është kalaja e Lëkurësit, ndërsa Parku Arkeologjik i Butrintit tërheq turistët e shumtë me historinë e tij mijëravjeçare.
Të ngjashme
Të tjera nga Shqipëri
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit