Shqipëria

Italia ndihmon Shqipërinë pas tërmeteve, Rama anulon vizitën në SHBA

Kryeministri italian Giuseppe Conte i ka telefonuar homologut te tij shqiptar Edi Rama pas termeteve.

E shtunë, 21 Shtator 2019 - 20:45 albinfo.ch
Keystone EPA/MALTON DIBRA

Italia ka shprehur solidaritet dhe gatishmërinë për të mbështetur Shqipërinë në përballimin me pasojat e tërmetit të rëndë që ra mbi vendin tonë.

Pak më parë shefi i qeverisë anuloi vizitën e planifikuar për në Shtetet e Bashkuara të Amerikës.

Aktualisht Edi Rama ndodhet në Frankfurt të Gjermanisë dhe nga ora në orë pritet të mbërrijë në Tiranë.

Sipas IGJEUM, tërmeti ishte me magnitudë 5.8 ballë i shkallës rihter dhe intensitet mbi 7.5 ballë. Epiqendra është regjistruar 30 km në veri të Durrësit, afër Kepit të Rodonit.

Sipas IGJEUM, ky është tërmeti më i fortë i regjistruar në 30 vjetët e fundit, shkruajnë mediat shqiptare, përcjell albinfo.ch.

 Të ngjashme

Viktima e aksidentit me Ferrari në Itali, një shqiptar nga Zvicra

 Të tjera nga Shqipëria

Shqipëri: Berisha fton shqiptarët të bllokojnë Erion Velijajn

 E-Diaspora

 Jeta në Zvicër