Jay-Z pranon tradhtinë ndaj Beyonces

Reperi i famshëm amerikan, Jay-Z ka pranuar se e ka tradhtuar bashkëshorten për herë të parë në një intervistë për jetën e tij.

Ai ka thënë për “New York Times Style Magazine” se e ka pasur shumë të vështirë tradhtinë që ka bërë ndaj Beyonces, po ashtu këngëtare me famë botërore.

“Gjëja më e vështirë është të shohësh dhimbje në fytyrën e dikujt që ju e keni shkaktuar dhe duhet të merreni vet me të”, ka thënë ai.

Ai po ashtu ka paralajmëruar se çifti, ndër më të famshmit në botë, mund të shkurorëzohej, por ka shtuar se ka mbajtur terapi që ta ndihmonin të merrej më lehtë me eksperiencat e kaluara, transmeton Albinfo.ch.

“E dini, shumica e njerëzve ikin dhe shkurorëzimi ndodh në 50 për qind të rasteve sepse shumica e njerëzve nuk mund ta shohin veten”, ka shtuar më tej ai.

Në vitin 2013, u përhapën spekulimet se reperi e kishte tradhtuar Beyoncen kur Solange Knowles e sulmoi Jay-Z, teksa motra e saj Beyonce qëndroi e heshtur.

Të dy janë prindër të tre fëmijëve.