Kancelarja gjermane sot do të bisedojë me kryeministrin Kurti

Sipas një njoftimi, kancelarja e Gjermanisë, Angela Merkel, do të zhvillojë të hënën, sot pasdite, një videokonferencë me kryeministrin e Kosovës, Albin Kurti, përcjell albinfo.ch.

Sipas njoftimit, thuhet se kancelarja Merkel do të komunikojë me kryeministrin e Kosovës, Kurti, për një gamë të gjerë çështjesh, ndër to edhe për dialogun me Serbinë. Zëdhënësi i qeverisë gjermane, Steffen Seibert, bëri të ditur se biseda do të përqendrohet më fort në kursin e reformave në Kosovë, transmeton DW.

Po ashtu, thuhet se bashkëbiseduesit do të diskutojnë për procesin e afrimit të Kosovës me Bashkimin Evropian si dhe për dialogun e ndërmjetësuar nga BE mes Kosovës dhe Serbisë. /Albinfo.ch

LAJME INTERESANTE NGA INTERNETI