Kantoni zviceran ofron bonuse për të hequr dorë nga vetura

(KEYSTONE/Gaetan Bally)

Qyteti i Bazelit po i paguan njerëzit që të heqin dorë nga makinat e tyre.

Skema e re e “bonusit mjedisor” e kantonit u ofron banorëve kredi me vlerë 1,500 CHF për transport publik, ndarje makinash ose një biçikletë të re – nëse heqin dorë përgjithmonë nga automjeti i tyre privat.

Programi, i financuar me 700,000 CHF nga fondi i transportit i Bazelit, do të zgjasë dy vjet dhe do të mbulojë rreth 400 bonuse, transmeton albinfo.ch.

Aplikantët duhet të jenë midis 18 dhe 80 vjeç, të kenë në pronësi makinën e tyre për të paktën një vit dhe të premtojnë të qëndrojnë pa makinë për tre vjet.