Lajme

Katedralja e Shën Stefanit në Austri, qendër vaksinimi

Tani Austria do t'u lejojë njerëzve të zgjedhin se cilën vaksinë dëshirojnë ta marrin

Katedralja e Shën Stefanit është vendi i fundit në Vjenë që hapet si një qendër vaksinash, sipas gazetës Kurier, përcjell albinfo.at.

Më parë vaksinimet janë kryer në festivalin e filmit në Sheshin e Qytetit të Vjenës dhe varkën e vaksinimit në Danubin e Vjetër.

Vjena po planifikon fushata më inovative të vaksinimit, raporton transmetuesi ORF, dhe tani do t’u lejojë njerëzve të zgjedhin se cilën vaksinë do të marrin kur të regjistrohen për një takim në internet, transmeton tutje albinfo.at.

Ndërkohë në Austrinë e Poshtme një fushatë treditore vaksinimi filloi të martën në qendrën e kujdesit parësor (PVZ) në St. Pölten, duke lejuar njerëzit të vaksinohen pa u regjistruar paraprakisht.

Sipas gazetave austriake, po raportohen radhë të gjata njerëzish për të marrë vaksinën.

Styria po kryen gjithashtu një fushatë të madhe vaksinimi në të gjitha qendrat e saj të vaksinimit këtë fundjavë që vjen. /Albinfo.at


LAJME INTERESANTE NGA INTERNETI