Kosova
Kosovë: ATK, vetëm në mars humb 13 milionë euro
Që nga konfirmimi i rasteve të para në Kosovë me koronavirus dhe ndërprerjes së shumë aktiviteteve, janë vërejtur edhe dëmet e para në ekonomi.
Ndonëse autoritetet kosovare nuk kanë prezantuar deri tash ndonjë plan konkret për rimëkëmbjen e ekonomisë, njohës të kësaj fushe thonë se shpëtimin e ekonomisë mund ta bëjë vetëm një plan-marshall.
Drejtori i Administratës Tatimore e Kosovës (ATK), Ilir Murtezaj, ka thënë se nga shtyrja e afatit për deklarim dhe pagesa në tatim, buxheti i shtetit ka humbur 13 milionë euro.
“Kjo situatë e krijuar përveç aspektit shëndetësor, pasojat e mëdha sigurisht se do të jenë edhe në aspektin ekonomik, ku dihet që përveç buxhetit të shtetit që do të afektojë pa dyshim, afektim shumë më i lartë pritet të jetë edhe në sektorin ekonomik, gjegjësisht te kompanitë të cilat shfrytëzojnë aktivitet ekonomik”.
“Për ne si ATK, vetëm këto ditë gjatë muajit mars, si rezultat i shtyrjes së afatit për deklarim dhe pagesa në tatime, kemi të hyra më pak për 13 milionë euro. Mirëpo, nëse zgjatet kjo kohë e pandemisë, sigurisht edhe pasojat do të jenë ende më të larta”, ka thënë ai.
Por njohësi i çështjeve ekonomike, Safet Gërxhaliu, ka thënë se Kosovës i nevojitet një plan-marshall, në mënyrë që të shpëtojë ekonominë e saj, plan që është promovuar ditë më parë edhe nga Komisioni Evropian.
“Para disa ditësh e kam thënë dhe definitivisht analizat e mia më kanë shtyrë që të publikoj një artikull, ku definitivisht duhet Kosova të përgatitet për një plan-marshall, i cili është provomuar edhe nga Komisioni Evropian, i cili do të jetë pak më ndryshe nga ai i vitit 1948, pas Luftës së Dytë Botërore”.
“Ju e dini që efektet pandemike do të jenë shumë të mëdha, ekonomia do të jetë e shkatërruar dhe në këtë drejtim rimëkëmbja ekonomike do të jetë prioritetet i vendeve evropiane dhe më gjerë, dhe në këtë drejtim Kosova duhet të jetë pjesë e një plani të tillë”, ka thënë Gërxhaliu, raporton EO.
“Duhet të dihet që ato mjete do të ndahen nga përmes partneritetin me Fondin Monetar Ndërkombëtar, Bankën Botërore, BERZH-in e shumë institucione të tjera financiare, besoj se duhet të përgatitemi të jemi të argumentuar, të kemi fakte dhe të absorbojmë më tepër nga këto mundësi”.
“Ajo çka e dëmton realitetin kosovar është fakti se që dy vjet ne kemi pasur raporte të prishura me institucionet kredibile financiare, si FMN dhe Bankën Botërore, pra nuk kemi pasur raporte kontraktuale dhe po e shihni sa e rëndësishme qenka partneriteti me këto institucione”, ka thënë ai, raporton EO, përcjell albinfo.ch.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Bazel: Dënohet me burgim të përjetshëm shqiptari për vrasjen e dyfishtë Siç kemi shkruar edhe në njoftimet e dy ditëve të kaluara, për sot pritej marrja e...
-
SWISS do të rifillojë fluturimet për në Tel-Aviv të premten
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut