Kosova
Kosova dhe Shqipëria miratojnë vendimin për tekstin mësimor për diasporën
Ministrja e Arsimit në Kosovës, Arbërie Nagavci dhe ajo e Shqipërisë, Ogerta Manastirliu, kanë nënshkruar urdhërvendimin për miratimin e tekstit mësimor për diasporën “Gjuha shqipe dhe kultura shqiptare”, niveli ll.
Nagavci tha se ky tekst do të jetë nga shtatori në duar të nxënësve në mërgatë.
“Bashkë me ministren e Arsimit të Shqipërisë, znj. Ogerta Manastirliu, nënshkruam sot Urdhër/vendimin e përbashkët për miratimin e tekstit mësimor për diasporën “Gjuha shqipe dhe kultura shqiptare”, niveli ll. Ky tekst do të jetë nga shtatori në duar të nxënësve tanë në mërgatë”, thuhet në njoftimin e saj.
Nagavci është shprehur se ky dokument është me rëndësi jetike për mësimin e gjuhës dhe kulturës shqipe në të gjitha vendet e botës.
“Ky dokument është me rëndësi jetike për mësimin e gjuhës dhe kulturës shqipe në të gjitha vendet e botës ku jetojnë dhe veprojnë bashkëkombasit tanë. Deri tani kemi finalizuar tekstin mësimor për Nivelin I, tashmë Niveli II është gati, dhe gjatë muajit shkurt do të shpallet konkursi për tekstin e Nivelit III”.
Ndërkohë, ministrja e Shqipërisë, Manastirliu, u shpreh se janë dakorduar për një kalendar të përbashkët për vitin e Gjuhës Shqipe.
“Bashkë me ministren e Arsimit, Shkencës, Teknologjisë dhe Inovacionit të Kosovës, kolegen Arbërie Nagavci, firmosëm sot vendimin e përbashkët për unifikimin e teksteve shkollore të gjuhës dhe kulturës shqipe të nivelit të dytë për fëmijët e diasporës”, tha Manastirliu.
Të tjera nga Kosova
E-Diaspora
-
“FjalaFest”, festivali i letërsisë shqipe në Milano “FjalaFest” titullohet festivali i letërsisë shqipe që do të zhvillohet për herë të parë në Milano,...
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?