Kosova

Kosova, notë proteste UNESCO-s për lahutën

Komisioni parlamentar për Arsim në Kuvendin e Kosovës ka vendosur t’i dërgojë notë proteste UNESCO-s për pranimin e lahutës si vegël muzikore të Serbisë.  Kryetari i Komisionit, Ismajl Kurteshi, ka propozuar që në emër të Komisionit t’i shkruajnë një letër UNESCO-s për veprimin e Serbisë, e cila e ka regjistruar lahutën si trashëgimi kulturore të saj,  shkruan albinfo.ch

Kurteshi ka bërë të ditur se letra do të dërgohet pas datës 13 të këtij muaji dhe se paraprakisht do të konsultohen për informata shtesë me Departamentin për trashëgimi të Ministrisë së Kulturës.

“Meqë është një padrejtësi e madhe, duhet ta marrim përsipër si komision që t’ia drejtojmë një letër UNESCO-s, me të cilën ia bëjmë me dije se kjo është e padrejtë dhe se ka shumë argumente që lahuta të mbetet instrument i trashëgimisë kulturore të shqiptarëve”, ka thënë Ismaili, ideja e të cilit është përkrahur nga të gjithë.

Në këtë mbledhje është diskutuar edhe për projektligjin për Arsimin e Lartë në Kosovës. Deputetët thanë se shpresojnë që Lista serbe nuk do të jetë pengesë në miratimin e tij.