Integrimi
Kosovarët të dytët, pas turqve, për pajisje me pasaportën gjermane
Në vitin 2016, turqit, me 2948 "të gjermanizuar" kanë qenë në krye të listës së të huajve që kanë fituar shtetësinë gjermane. Në vendin e dytë janë shtetasit e Kosovës, me 1470 të natyralizuar
Në landin gjerman Baden Württemberg për herë të parë organizohet një pritje në nivel qeveritar për shtetasit e rinj gjermanë. Të premen, ministri i brendshën Thomas Strobl do të presë 300 të huaj të cilët rishtas kanë marrë nënshtetësinë gjermane, shkruan badischezeitung.de. Me këtë veprim, qeveria dëshiron të vë në dukje rëndësinë që ka natyralizimi i të huajve për landin dhe për Gjermaninë.
Gjatë vitit 2016 ka pasur një rritje të lehtë të numrit të të natyralizuarve në këtë republikë: janë regjistruar 17791, nga 17546 që kanë qenë një vit më parë, transmeton albinfo.ch. Është kurioze të shihet se numri i qytetarëve të Britanisë së Madhe që kanë fituar pasaportën gjermane në këtë land, gjatë vitit 2016 është pesëfishuar në krahasim me vitin 2015.
Gjermanë «me letra» janë bërë gjatë vitit të kaluar njerëz nga 140 shtete të ndryshme, rreth 60 për qind të tyre kanë fituar dyshtetësinë.
Sikurse është bërë e zakonshme prej shumë vitesh, edhe në vitin 2016, turqit, me 2948 “të gjermanizuar” kanë qenë bindshëm në krye të listës së të huajve që kanë fituar shtetësinë gjermane. Në vendin e dytë janë shtetasit e Kosovës, me 1470 të natyralizuar ndërsa pas tyre, me 1013 sish, vijnë rumunët. Nëse përjashtohen irakianët dhe iranianët, 15 vendet e prejardhjes me numrin më të madh të natyralizimeve, janë në Evropë.
E-Diaspora
-
Më 7 prill nis edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
‘Vallja kosovare’ jehon në Universitetin e Gjenevës (Video) ‘Vallja kosovare’ jehon në Zvicër. Bëhet e ditur se para pak ditësh, studentët shqiptarë vallëzuan me...
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore