Lajme
Kosovari 24-vjeçar humb kontrollin mbi makinën dhe përplaset në lokalin afarist
Shoferi ka qenë në gjendje të dalë vetë nga makina ndërsa pastaj është transportuar nga njësitet e shpëtimit, për në spital
Një kosovar 24-vjeçar në Rickenbach të Wil-it, Kantoni St.Gallen, në mbrëmjen e të mërkurës ka humbur kontrollin mbi makinën e tij. Për pasojë, ajo është katapultuar nga rruga dhe është përplasur në shtyllat prej betoni të një lokali afarist, shkruan tagblatt.ch.
Me këtë rast shoferi ka pësuar lëndime, ndërsa makina dëmtim total.
Aksidenti, siç bën të ditur Policia Kantonale e Thurgaut, ka ndodhur rreth orës 20 e 30, transmeton albinfo.ch. Shoferi ka qenë në gjendje të dalë vetë nga makina, ndërsa pastaj është transportuar nga njësitet e shpëtimit për në spital.
Për të bërë sigurimin e gjurmëve dhe për sqarimin e shkakut të aksidentit, është angazhuar shërbimi i teknikës kriminalistike të Policisë Kantonale të Thurgaut.
Gjatë incizimit të vendit të aksidentit, njësiti zjarrfikës i Wil-it ka bllokuar rrugën (Toggenburgerstrasse) dhe e ka devijuar qarkullimin e makinave nga kjo rrugë.
Prokuroria publike ka urdhëruar bërjen e një testi të gjakut dhe të urinës të kosovarit si dhe sigurimin e automjetit të aksidentuar.
Policia dhe prokuria kërkojnë nga dëshmitarët eventualë që të paraqiten dhe të japin informacione mbi rrjedhën e aksidentit.
(Foto: KAPO Thurgau)
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë