Shkurt.ch
Kosovari shpëton nga dëbimi: Ka inteligjencën e një fëmije 9-12 vjeçar
Sipas një raporti psikiatrik, kosovari ka vështirësi të theksuar në llogaritje, në të kuptuarit e teksteve dhe në lexim
Shtetasi sot 32-vjeçar i Kosovës ka ardhur në Zvicër në moshën 7-vjeçare, në kuadrin e bashkimit familjar. Që herët ai ka rënë në kundërshtim me ligjin dhe është dënuar disa herë penalisht. Ndërkaq, në vitin 2014 atij i është shqiptuar një dënim prej dy vjetësh heqje lirie për sulm, gjegjësisht rrezikim të jetës dhe shëndetit.
Po ashtu ai është i zhytur thellë në borxhe dhe merr ndihma sociale, shkruan sda.ch. Pa ndonjë profesion të përfunduar, ai sot sorollatet nga njëra byro për punë të përkohshme në byronë tjetër.
Sipas një raporti psikiatrik, kosovari ka vështirësi të theksuar në llogaritje, në të kuptuarit e teksteve dhe në lexim, transmeton albinfo.ch. Një test IQ (i inteligjencës) ka ardhur në përfundimin se ai ndodhet në shkallën e zhvillimit të një fëmije 9 deri 12-vjeçar.
Në gusht të vitit 2015 Zyra Kantonale për Migracion e Kantonit Baselland ia ka hequr lejen e qëndrimit të përhershëm në Zvicër (Vizën C). Pas një shtyrjeje, Gjykata Kantonale e Basellandit vitin e kaluar ka marrë vendimin për dëbimin e kosovarit, përcjell albinfo.ch. Sa i përket lartësisë së dënimit dhe profilit prej delinkuenti, kosovari i përmbushte kriteret e caktuara të iniciativës për dëbim të të huajve me dosje krimi, të votuar nga populli i Zvicrës në vitin 2010.
Mirëpo, rasti i tij, sipas vendimit të Gjykatës Federale të Zvicrës, përbën një përjashtim. Më 27 maj të këtij viti, gjykata në fjalë, si shkalla më e lartë e gjyqësisë zvicerane, ka marrë një vendim për anulimin e dëbimit të kosovarit, transmeton albinfo.h. Arsyetimi i këtij vendimi është: “Me një inteligjencë të një fëmije të moshës 9 deri 12-vjeçare, ai do ta ketë të vështirë të gjendet i vetëm në vendin e prejardhjes”. Ai, pra, nuk mund të sigurojë ekzistencën e vet në një gjendje të tillë.
Të ngjashme
Të tjera nga Shkurt.ch
E-Diaspora
-
Mbahet takimi i Kolegjit të kirurgëve të Kësovës me kirurgët nga mërgata Më 23 mars, në Wirtschaftsclub Dusseldorf, Kolegji i Kirurgëve të Kosovës mbajti takimin nismëtar për themelimin...
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Për Shaqirin ishte goli i 30-të në 121 paraqitje me fanellën e Zvicrës
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe