Kosovë: Fotografia e policit të vrarë në veri u vendoset produkteve serbe në disa markete

Teksa sot është varrosur me nderime të larta polici i vrarë në veri të Kosovës, disa të rinj të Hanit të Elezit kanë vendosur pranë produkteve serbe në disa markete të këtij qyteti fotografinë e heroit Afrim Bunjaku.

“Disa të rinj nga Hani i Elezit në nder të policit të rënë, Afrim Bunjaku, vendosën fotografi të tij tek produktet serbe në markete. Ata vendosën fotografi në raftet ku ndodhen produkte të ndryshme serbe në markete”, thuhet në një postim në Facebook ku janë ndarë edhe fotografitë.

Kjo vjen edhe si thirrje që qytetarët të mos konsumojnë produkte me origjinë nga Serbia.

---