Kosova
KQZ dhe rezultatet, kur dhe çka pas shpalljes?
Po bëhet një muaj prej kur qytetarët e Republikës së Kosovës iu drejtuan kutive të votimit për të zgjedhur deputetët e rinj të Kuvendit. Por, edhe pse ka kaluar kohë e gjatë, ende nuk ka certifikim rezultatesh. Madje, nuk ka as shpallje të rezultateve përfundimtare.
Në Komisionin Qendror të Zgjedhjeve kanë thënë se nuk mund të ketë rezultate nëse ka çështje të parashtruara në institucionet e tjera, PZAP apo në Gjykatën Supreme.
“Aktualisht Komisioni Qendror i Zgjedhjeve nuk mund t’i shpallë rezultatet përfundimtare, sepse duhet të presim përfundimin e të gjitha çështjeve që mund të jenë parashtruar në institucionet e tjera. Pra, para se të procedojmë me shpalljen e rezultateve përfundimtare, KQZ-ja kërkon konfirmim nga Paneli Zgjedhor për Ankesa dhe Parashtresa dhe nga Gjykata Supreme se nuk kanë ndonjë çështje për të shqyrtuar apo vendosur. Vetëm pasi të kemi këto konfirmime, KQZ-ja mund t’i shpallë rezultatet përfundimtare”, ka thënë për Indeksonline zëdhënësi i KQZ-së, Valmir Elezi, përcjell albinfo.ch.
Sipas tij, me shpalljen e rezultateve përfundimtare nuk përmbyllet procesi zgjedhor, pasi subjektet politike dhe kandidatët mund të paraqesin ankesat e tyre lidhur me këto rezultate.
“Fillimisht ankesat mund të paraqiten në PZAP dhe në rast se ky institucion hedh poshtë ndonjë ankesë, pala e pakënaqur mund të ankohet në Gjykatën Supreme. Ne gjithashtu duhet të presim vendimmarrjen e tyre, të veprojmë në përputhje me këto vendime, nëse e obligojnë KQZ-në, në mënyrë që pastaj të mund të procedojmë për certifikimin e rezultateve përfundimtare”, ka thënë Elezi.
Në fund, pasi KQZ-ja merr vendimin për certifikimin e rezultateve, e njofton presidentin e Republikës së Kosovës lidhur me rezultatin e këtyre zgjedhjeve.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët