Lajme
Kreu i Boksit Gjerman ka manipuluar meçin ku humbi Krasniqi?
Menaxhmenti i Krasniqit ka publikuar bisedat e grupit familjar të Kryetarit të Shoqatës së Boksierëve Profesionistë Gjermanë (BDB), Thomas Pütz
Thomas Pütz është kryetar i Federatës Gjermane të Boksit. Tani së fundi për të thuhet se ka manipuluar një luftë në Kupën e Botës. Manipulimi del nga rrjedha e bisedave private në internet, siç pretendon tashmë ish-kampioni botëror, Robin Krasniqi, transmeton albinfo.ch.
Tani menaxhmenti i Krasniqit ka publikuar bisedat e grupit familjar të Kryetarit të Shoqatës së Boksierëve Profesionistë Gjermanë (BDB).
Pak para luftës, Pütz i kishte shkruar vajzës së tij Karoline (e cila edhe vetë është gjyqtare): “Ty të kam brenda në IBO në luftën kryesore dhe unë do të jem mbikëqyrësi, shkruan bild.de. Kur ju përkujtua se juria ishte tashmë aty, Pütz u përgjigj: “Kam hequr të huajt. Ata janë të gjithë jashtë, ka vetëm gjermanë.” Pas kësaj ai vendosi tre emoji me buzëqeshje.
A ka bërë me dije me këtë shkresë Pütz një manipulim të planifikuar?
Fakti që dihet është se Krasniqi , me rezultatet sipas gjyqtarëve (1:2 (114:115, 112:116, 115:114) ishte mbrapa.
Nga lajmet, megjithatë, nuk është e qartë nëse Pütz përfundimisht ka ndikuar në vendosjen e fatit të meçit ose jo, transmeton albinfo.ch. Por, ish-kampioni Krasniqi ka protestuar në BDB dhe në shoqatën botërore IBO. Deri tani pa sukses!
Ndërkohë, shtrohet dilema: pse Pütz duhej fare të manipulonte duelin mes dy boksierëve gjermanë nga prapaskena?
Menaxheri i Krasniqit, Luan Dreshaj ka këtë shpjegim: “Bösel pritet të jetë një “Henri Maske i ri”, me të cilin fitohen para. Kështu që Robini duhet të humbasë”.
Këto janë kuza të rënda që presidenti i boksit i mohon me forcë!
Pütz, i pyetur nga Bild thotë: “Kjo është çmenduri! Janë fantazi që dëmtojnë vërtet boksin. Ishte një rezultat i ngushtë, por të flasësh për një gjykim të gabuar, është absurde. Skandali i vërtetë është publikimi i rrjedhës së bisedave private. Kjo është vjedhje dhe unë do të bëj një padi për këtë”.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar