Krizë ekonomike në Rusi

Tregtarët me pakicë në Rusi do të kufizojnë shitjet e produkteve ushqimore themelore me qëllim për të siguruar përballueshmërinë mbi sanksionet ekonomike pas agresionit ushtarak të Kremlinit në Ukrainë.

Ministria ruse e Tregtisë dhe Industrisë gjatë fundjavës tha se kishte pasur raste kur ushqimet kryesore ishin blerë “në një vëllim dukshëm më të madh se sa nevojitej për konsum privat”.

Organizatat tregtare që përfaqësojnë shitësit me pakicë kishin propozuar që këta të lejohen të kufizojnë volumin e mallrave specifike të shitura te individët në çdo kohë.

“Ministria e Industrisë dhe Tregtisë mbështesin iniciativën e organizatave tregtare”, thuhet në njoftim, duke theksuar se vetë organizatat do ta rishikojnë politikën.

Mallrat esenciale, çmimet e të cilave i nënshtrohen kontrolleve shtetërore, përfshijnë bukën, orizin, miellin, vezët dhe mishin, po ashtu dhe produktet e qumështit.

Moska është goditur me një paketë e sanksioneve financiare dhe kulturore nga vendet perëndimore që kur Kremlini e filloi atë që e quajti “një operacion special ushtarak” në Ukrainën fqinje, më 24 shkurt.

Banka Qendrore e Rusisë ditët e fundit ka marrë masa të paprecedentë, duke përfshirë kontrollin e kapitalit, për të mbështetur ekonominë në vështirësi dhe rublën.

Vlera aktuale e rublës ka ringjallur kujtime të pakëndshme të paqëndrueshmërisë financiare të viteve 1990, kur miliona rusë panë që kursimet e tyre të avullonin nën efektin e një monedhe në rënie dhe inflacionit në rritje.