Koronavirusi: çast pas çasti

Kryeministri spanjoll kërkon shtyrje të gjendjes së jashtëzakonshme

Kryeministri spanjoll, Pedro Sanchez, ka njoftuar se do t’i kërkojë Parlamentit për shtyrje të gjendjes së jashtëzakonshme, kjo si pasojë të gjendjes aktuale që ka vendi me Covid-19.

Sánchez ka thënë se dëshiron që kjo masë të shtyhet edhe për një muaj, në vend të dy javëve.

Aktualisht gjendja e jashtëzakonshme pritet të përfundojë brenda një jave.

Kryeministri spanjoll është përballur me kundërshtime në rritje pas kërkesës për vazhdim të fuqive ekzekutive, të cilat ia mundëson gjendja e jashtëzakonshme.

Deri më tani, shifra totale e të vdekurve për shkak të këtij virusi në territorin spanjoll ka arritur në 27,563, derisa numri i të infektuarve është rritur në 230,183, përcjell Albinfo.ch.