Kosova

Kurti në Tiranë për Procesin e Berlinit, pritet të takojë kancelarin gjerman

E hënë, 16 Tetor 2023 - 8:40 albinfo.ch

FB: Albin Kurti

Kryeministri i Republikës së Kosovës, Albin Kurti, ka udhëtuar drejt Tiranës, ku në kuadër të Procesit të Berlinit do të zhvillojë takime.

“Në margjina të samitit, Kryeministri Kurti do të ketë takime bilaterale, përfshirë atë me Kancelarin e Gjermanisë, Olaf Scholz”, njofton Zyra e Kryeministrit të Kosovës, përcjell albinfo.ch.

Në Tiranë, të hënën e 16 tetorit mbahet Samiti i Procesit të Berlinit, ku do të marrin pjesë të gjithë liderët e vendeve të Ballkanit dhe atyre të Bashkimit Evropian.