Kosova
Kurti paralajmëron për të premten takimin me Mustafën
Pas qëndrimit zyrtar të LDK -së se nuk do të ketë takim ndërmjet krerëve të Vetëvendosjes dhe LDK-së, pa certifikim të rezultatit të zgjedhjeve, një takim me Isa Mustafën për të premten e ka paralajmëruar Albin Kurti.
Kryetari i Vetëvendosjes ka njoftuar se të premten do të takohet me kreun e LDK-së për të diskutuar për finalizimin e marrëveshjes për koalicionin e ardhshëm, raporton KTV, përcjell albinfo.ch.
Takimi mes liderëve të dy partive, për KTV-në, është konfirmuar edhe nga Lumir Abdixhiku i LDK-së.
Kurti, ndërkaq, ka thënë se me Mustafën do të diskutohen për të gjitha çështjet e hapura, përfshirë postet ministrore dhe çështjen e presidentit.
Sipas tij, nuk ka kohë të humbet, sepse certifikimi i rezultateve të zgjedhjeve bëhet javën që vjen.
Kurti ka komentuar edhe deklaratat e LDK-së që posti i kryeministrit baraspeshon me gjashtë apo më shumë ministri, duke thënë se diçka e tillë nuk qëndron, pasi siç ka thënë, populli përmes votës e ka zgjedhur atë për kryeministër.
Ai edhe një herë është shprehur i vendosur për ta lënë jashtë Qeverisë Listën Serbe, teksa ka shtuar se edhe ndarja e ministrive është çështje e negociatave.
Këto komente Kurti i ka bërë gjatë një takimi bashkëbisedues me përfaqësues të sindikatave në Kosovë, ku u tha se është i nevojshëm themelimi i Gjykatës së Punës për t’i mbrojtur të drejtat e punëtorëve.
Sidoqoftë, në javën e parë të nëntorit, grupet punuese të të dyja partive, Vetëvendosje dhe LDK, zhvilluan takimin e fundit.
Pas takimit, u tha se puna e grupeve punuese ka përfunduar dhe se u mbetet liderëve të partive të tyre që të konkretizojnë e finalizojnë marrëveshjen bashkëqeverisëse.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën