Kush janë risitë nga Challandes për ndeshjet e qershorit

Sigurisht emri më i madh është Florent Hadërgjonaj, i cili luan me skuadrën angleze Huddersfield

Kosova në muajin qershor do të luajë ndaj Malit të Zi dhe Bullgarisë në kualifikimet për Kampionatin Evropian më 2020.

Përzgjedhësi i Kosovës, Bernard Challandes ka befasuar me disa futbollistë të rinj të ftuar për këto dy ndeshje, shkruan albinfo.ch.

Sigurisht emri më i madh është Florent Hadërgjonaj, i cili luan me skuadrën angleze Huddersfield. Hadërgjonaj ka lënë përfundimisht Zvicrën për Kosovën dhe do të debutojë në ndeshjet e qershorit.

Një tjetër risi është Ibrahim Dreseviq. Ai ka lindur në Fuxerna të Suedisë. Familja e tij u shpërngul nga Mali i Zi. Dreseviq, në një intervistë të dhënë për kanalin e klubit holandez ku luan aktualisht, Herenveen (Holandë), do të deklaronte kohë më parë: “Rrënjët e mia janë në Shqipëri dhe Mal të Zi. Babai është shqiptar dhe nëna nga Mali i Zi”.

Dreseviq është vetëm 22 vjeç dhe i talentuar. Luan në qendër të mbrojtjes dhe do të jetë një fuqizim i rëndësishëm për Kosovën, shkruajnë mediat shqiptare.

Risi është edhe grumbullimi i sulmuesit 23-vjeçar Ylldren Ibrahimaj, i cili e ka nisur shkëlqyeshëm sezonin e ri në Norvegji, tek Viking.

Kthehet edhe mesfushori i AFC Eskilstunas në Suedi, Anel Rashkaj, i cili ka qenë një ndër lojtarët më të rëndësishëm të Kosovës në periudhën kur Kosova drejtohej nga Albert Bunjaku. Elbasan Rashani gjithashtu është ftuar.

Lista

---