Lady Gaga hospitalizohet, anulon performancat

31-vjeçarja ka treguar se vuan nga një sëmundje që i shkakton siklet të vazhdueshëm në gjithë trupin

Foto Facebook

Lady Gaga është shtrirë në spital për shkak se vuan nga “dhimbje të rënda fizike”.

Këngëtarja e hitit “Bad Romance” ka anuluar performancën në festivalin “Rock in Rio” të Brazilit për këtë arsye.

“Do të bëja gjithçka për ju, por më duhet të kujdesem për trupin tim tani”, ka shkruar ajo në një postim në Instagram.

31-vjeçarja ka treguar se vuan nga një sëmundje që i shkakton siklet të vazhdueshëm në gjithë trupin.

“Lady Gaga vuan nga një dhimbje e rëndë fizike dhe kjo ndikon në aftësinë e saj për performim. Si rezultat, ajo me keqardhje duhet të tërhiqet nga performanca e kësaj të premte në ‘Rock in Rio’. Lady Gaga është nën kujdes të ekspertëve mjekësorë. Ajo i falënderon të gjithë fansat për përkrahjen dhe mirëkuptimin”, thuhet në një njoftim në faqen e saj në Instagram.