Lajme
Maqedonia e Veriut shënon numër rekord të të shëruarve nga Covid-19
Maqedonia e Veriut ka shënuar numër rekord të të shëruarve nga Covid-19 që nga shpallja e pandemisë në mes të muajit mars.
Brenda 24 orëve në këtë vend janë shëruar 268 pacientë.
Numri më i madh i të shëruarve nga sëmundja që e shkakton koronavirusi u regjistrua në Shkup: 105 raste, pastaj në Tetovë 23 raste, në Strugë 22 raste dhe në qytete të tjera numër më i vogël.
Me shifrat e fundit, numri i personave të shëruar nga koronavirusi arrin në 5,931, nga 10,503 sa është totali i të infektuarve.
Në 24 orët e fundit në Maqedoninë e Veriut po ashtu u krye numër rekord i testeve, gjithsej 1,971, që rezultuan me 188 raste të reja pozitive me koronavirus.
Numri më i madh i të infektuarve është në Shkup, Tetovë, Gostivar, Kumanovë dhe Strugë.
Ndërsa janë shënuar edhe pesë viktima nga koronavirusi: dy nga Tetova dhe nga një në Shkup, Manastir dhe Kumanovë.
Numri i përgjithshëm i viktimave ka arritur në 476 – shumica prej tyre apo rreth 200 janë në Shkup.
Kryetari i Komisionit të Sëmundjeve Infektive në Maqedoninë e Veriut, Zharko Karaxhoski, tha se institucionet shëndetësore po përgatisin rritjen e mëtejme të kapaciteteve për testim të popullatës në 16 qytete.
Kjo, sipas tij, bëhet me qëllim që kapacitetet mjekësore të jenë sa më të përgatitura për ndonjë valë të mundshme të virusit në vjeshtë.
Në Maqedoninë e Veriut deri tani janë testuar gjithsej 99,615 persona.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Pritet shumë trafik gjatë fundjavës së Pashkëve Autoritetet zvicerane dhe franceze po paralajmërojnë për trafik shumë të rënduar gjatë fundjavës së Pashkëve. Zyra...
-
Qeveria zvicerane refuzon sërish të nënshkruajë traktatin e armëve bërthamore
-
Zvicër: Tani mashtruesit në internet kanë cak nënat
-
Zvicra është burimi më i madh i çokollatës në BE
-
Swisscom rrit pagat nga 1 prilli