Koronavirusi: çast pas çasti
Më pak të vdekur nga koronavirusi: Italia sheh “dritën në fund të tunelit”
"Nuk është koha për të festuar një fitore, por ne kemi filluar të shohim dritën në fund të tunelit."
Në Itali, është ngadalësuar këto dy ditë rritja e numrit të infeksioneve dhe vdekjeve nga koronavirusi. Mbrojtja civile ka njoftuar një rritje të vdekjeve nga 602 në 6077 të hënën, shkruan srf.ch. Kjo është rritja më e ulët në katër ditët e fundit.
Të kujtojmë, para tri ditësh qenë shënuar afër 800 vdekje të reja për 24 orë.
Numri i infeksioneve të konfirmuara është rritur për 4789 raste të reja, duke arritur në 63.927, gjatë 24 orëve të fundit, transmeton albinfo.ch. Kjo ishte po ashtu rritja më e vogël në pesë ditët e fundit.
“Sot mund të jetë mbase dita e parë pozitive që kemi pasur në këtë muaj të vështirë, shumë të vështirë”, ka thënë Giulio Gallera, drejtuesi kryesor i agjencisë shëndetësore në rajonin verior italian të Lombardisë, që është rajoni më i prekur nga shpërthimi i virusit.
“Nuk është koha për të festuar një fitore, por ne kemi filluar të shohim dritën në fund të tunelit.”
Sidoqoftë, kreu i autoritetit shëndetësor kombëtar, Silvio Brusaferro, ka thënë se është shumë herët të thuash që rënia e njumrit të vdekjeve dhe infeksioneve të reja, e shënuar këto dy ditë, do të vazhdojë.
Të ngjashme
Të tjera nga Koronavirusi: çast pas çasti
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe