Kosova
Mërgimtari nuk viziton vendlindjen për shkak të problemeve me policë
Një mërgimtar tash e dy vjet nuk mund të vijë në Kosovë. Kjo për shkak të një përleshjeje që e kishte bërë me disa zyrtarë policorë
Nexhat Rexhepi nga Austria po mundohet që të gjejë zgjidhje e përsëri të vizitojë vendlindjen. E prezencën e Nexhatit e kishte kërkuar disa herë në shtëpinë në Kosovë, policia e vendit.
Ishte nisur për të vizituar Kosovën ashtu si çdo vit tjetër. Gjithçka ndryshoi për mërgimtarin Nexhat Rexhepi gjatë kalimit në pikën kufitare Dheu i Bardhë.
Një vit më parë, ai pati një mosmarrëveshje me policinë, pas të cilës u dënua me 2 javë burg shtëpiak.
Nexhati pretendon se është rrahur nga katër policë në prani të fëmijëve e gruas. Për këtë rast, pas ngritjes së aktakuzës atij i ka humbur besimi në organet e drejtësisë.
Kështu ka vendosur, deri të gjejë një zgjidhje tjetër të mos vijë në Kosovë, raporton “T7”.
Këtë është duke e përjetuar rëndë nëna e Nexhatit, e cila ka mbetur e vetme në shtëpi. Ajo së fundmi ka marrë edhe thirrjen për paraqitje në gjykatë për djalin, e thotë se disa herë policia i ka kontrolluar shtëpinë, përcjell albinfo.ch.
Në aktakuzën të cilën e ka siguruar “T7”, shkruhet se ekziston dyshim i bazuar mirë, për veprën penale sulm ndaj personit zyrtarë në kryerje te detyrës. Sipas aktakuzës, gjatë arrestimit, i dyshuari edhe e kishte lënduar njërin nga zyrtarët policor.
Mirëpo, Nexhati nga Austria ka lajmëruar rastin te të gjithë ata që sipas tij mund t’i bëjnë zgjidhje. Një gjë të tillë e ka bërë edhe në Inspektoratin e Policisë së Kosovës.
Nga IPK thanë për T7, se tashmë kanë intervistuar disa persona, mirëpo, nuk kanë marrë masa ndaj policëve të dyshuar.
Tashmë shpresë e vetme, që do t’ia mundësojë të vijë në vendlindje kanë mbetur ministritë e ambasadat ku ka lajmëruar rastin, e nga të cilat pret zgjidhje.
https://www.youtube.com/watch?v=pdFz8YBfj9Y
Të ngjashme
Të tjera nga Kosova
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit