Modernizohet UP, provimet paraqiten online

Më shumë se 300 studentë të Fakultetit të Filozofikut i kanë paraqitur online provimet e afatit të shtatorit

Qindra studentë të Universitetit të Prishtinës, për herë të parë prej themelimit, i kanë parritur online nëpërmjet internetit provimet e shtatorit. Ky projekt ka nisur me Fakultetin Filizofik, për të vazhduar më pas edhe me fakultet tjetra të Universitetit të Prishtinës.

“Pas një pune intensive dhe këmbëngulëse të stafit të universitetit ka filluar aplikimi online për studentët e Fakultetit Filozofik për të vazhduar në të gjitha njësitë akademike. Puna katërvjeçare për digjitalizimin e universitetit është finalizuar’, ka thënë rektori i UP-së, Mujë Rugova.

Sipas tij, kjo formo e digjitalizimit përfshin të gjitha veprimet që duhet të bëjë studenti, pedagogu dhe administratori.

Zyra e teknologjisë së informacionit në UP, ndërkaq konfirmon se do të jenë në funksion të studentëve me rreth 18 mijë kartela elektronike, të cilat tashmë janë shtypur.

“Në ditën e parë kanë aplikuar online mbi 300 studentë, të cilët kanë paraqitur provimet e afatit të shtatorit. Këta studentë janë të vitit të kaluar që do të shkojnë paralelisht me indeksa dhe ID kartela”, ka thënë drejtori i kësaj zyre në UP, Isak Shabani.