Futboll
Muriqi: Ndeshja me Çekinë vendimtare, do t’i përballojmë mungesat
Muriqi tha ekipi kombëtar është duke u përgatitur me të gjitha forcat për të qenë plotësisht i gatshëm për ndeshjen e Grupit A kualifikues kundër Çekisë të shtunën në Prishtinë
Vedat Muriqi e pranon se ndeshja kundër Republikës së Çekisë do të jetë vendimtare në përpjekjet e Kosovës për t’u kualifikuar në Kampionatin Evropian 2020, i vetëdijshëm për mungesat e shumta me të cilat përballet kombëtarja verdhekaltër.
Duke folur në një konferencë për media të mërkurën mbrëma, Muriqi tha ekipi kombëtar është duke u përgatitur me të gjitha forcat për të qenë plotësisht i gatshëm për ndeshjen e Grupit A kualifikues kundër Çekisë të shtunën në Prishtinë, raporton Gazeta Express.
Kosova – e cila përballet me pesë mungesa shumë të mëdha, si Arbër Zeneli, Milot Rashica, Hekuran Kryeziu, Herolind Shala dhe Benjamin Kololli – qëndron vetëm një pikë mbrapa Çekisë, e cila mban pozitën e dytë më 6 pikë, aq sa ka edhe lideri Anglia. Kjo e fundit, megjithatë, ka një ndeshje më shumë të zhvilluar se gjiganti dardan.
“Mendoj se ndeshja me Çekinë do të jetë vendimtare, pasi me fitore këtu e kalojmë më shumë se gjysmën e rrugës”, ka theksuar Muriqi, i cili po kalon formë mbresëlënëse te ekipi i tij i ri në Superligën turke.
Muriqi – i cili i ka shënuar 2 gola në 3 ndeshjet e para me Fenerbahçen në ligën elitare turke – beson se Kombëtarja dardane do t’i përballojë mungesat e mëdha në këto dy ndeshje kualifikuese.
“Kemi mjaft mungesa, por kemi një grup që mund t’i përballojë këto mungesa. Po përgatitemi maksimalisht që të jemi plotësisht te gatshëm”, shtoi ai.
Pas ndeshjes me cekët, Kosova do të udhëtojë drejt Southampton për t’u përballur me Anglinë të martën më 10 shtator percjell Albinfo.ch.
Të ngjashme
Të tjera nga Futboll
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën