Të tjera

Muzeu shqiptar kandidat për Çmimin e Muzeut Evropian të Vitit

Drejtoresha e muzeut kombëtar “Shtëpia me Gjethe” , Etleva Demollari, ka njoftuar se janë zyrtarisht kandidat për Çmimin e Muzeut Evropian të Vitit.
Demollari po ashtu ka thënë se ata kanë aplikuar për këtë çmim në muajin prill.
Ndërsa Ministrja e Kulturës e Shqipërisë, Elva Margariti ka thënë se një një pjesëtare e jurisë, Metka Fujs nga Sllovenia, vizitoi dhe inspektoi muzeun në mënyrë të detajuar dhe më pas zhvilloi një bisedë me stafin, ku u njoh me punën, programet edukative dhe projektet e ardhshme.
“Përgëzime stafit për këtë arritje! Ruajmë memorien tonë, ua përcjellim brezave”, ka shkruar ministrja në rrjetet sociale, transmeton albinfo.ch.
”Shtëpia me gjethe” është kthyer tashmë në një atraksion turistik, jo vetëm për vizitorët shqiptarë, por veçanërisht për turistët e huaj që vizitojnë Shqipërinë.