National Geographic: Shqipëria, një nga destinacionet më emocionuese që duhet vizituar më 2024

Ilustrim, Pixabay

“National Geographic Traveller” e ka cilësuar Shqipërinë si një nga destinacionet më emocionuese që duhet të vizitohet në vitin 2024, teksa nën titullin “Një arratisje e egër në yllin në rritje të Evropës”, revista rendit arsyet përse duhen vizituar Alpet Shqiptare, përcjell albinfo.ch.

“Udhëtarët në gjueti për diçka pak më ndryshe nga aventura e tyre e ardhshme evropiane po shikojnë gjithnjë e më shumë drejt Shqipërisë. Kjo pjesë ballkanike po tërheq një numër në rritje vizitorësh falë brigjeve të saj të Adriatikut dhe Jonit, të kaluarës intriguese osmane dhe komuniste dhe skenës relativisht të sapolindur të turizmit. Të zhytura në brendësinë veriore, Alpet Shqiptare janë po aq pjesë e shortit. E njohur, mjaft ogurzi, si Bjeshkët e Nemuna, kjo mbretëri e majave të thepisura karstike është një ëndërr për alpinistët, ku rrëqebullët enden nëpër pyjet e bredhit dhe lulet e egra mbulojnë dyshemetë e luginës. Ata që kërkojnë shtigjet sfiduese të rajonit mund të nisen në një turne të ri, tetë-ditor, të vetëdrejtuar me Walks Worldwide, i cili ofron një itinerar që përfshin udhëtime nëpër zonat malore, shtëpi tradicionale dhe një vizitë në fshatin Theth”, thuhet në artikull, shkruan TCH.

Në lidhje me këtë ka reaguar Kryeministri i Shqipërisë, Edi Rama, i cili përmes një postimi në rrjetin social “Facebook” shprehet:

“Jemi destinacioni ‘cool’ për 2024! Promovimi për vitin e ardhshëm ka nisur që tani dhe është prestigjiozja e udhëtimeve “National Geographic Traveller”, e cila sugjeron vendin tonë në listën e 30 vendeve më interesante për të udhëtuar. Duke e renditur në vendin e parë që duhet vizituar në Europë, revista e njohur e cilëson ‘si një arratisje të egër drejt yllit në ngjitje të Europës” përvojën e të udhëtuarit në Shqipëri gjatë vitit 2024’”, ka shkruar ai.