Lajme
Nazmi Jakurti u rizgjodh kryetar i Federatës së Sindikatave në Oberargau
GBO mbështet 4 kandidatë për zgjedhjet parlamentare federale që mbahen më 22 tetor 2023. Në mesin e tyre, edhe shqiptarja Lirija Sejdi
Federata e sindikatave Oberaargau (GBO) ka mbajtur dje në Langenthal asamblenë e saj vjetore. Një pikë e rëndësishme në rendin e ditës ishte zgjedhja e bordit të OBSH-së dhe pjesëmarrja në zgjedhjet e për Parlamentin Nacional, që mbahen më 22 tetor 2023.
I gjithë bordi është rizgjedhur. Kështu, kryetari i mëparshëm i GBO-së, Nazmi Jakurti, u rizgjodh unanimisht, shkruan albinfo.ch duke ju referuar një komunikate të dërguar nga GBO.
Jakurti ka udhëhequr me sukses GBO-në për 12 vitet e fundit dhe ka punuar pa u lodhur për të drejtat e punëtorëve në rajon. Veç kësaj, komuniteti shqiptar e njeh Nazmi Jakurtin si aktivist të shquar, sidomos për angazhimin e tij prej mëse 20 vitesh në Lidhje n Shqiptare në Botë, në krye të së cilës është prej tashmë disa vitesh.
Gjithashtu, GBO ka vendosur të mbështesë katër kandidatë për zgjedhjet parlamentare në nivel federal, që mbahen më 22 tetor 2023. Këta kandidatë janë Reto Müller (kryetar i bashkisë Langenthal), Sofia Fisch (Zëvendëskryetare e GBO), Adrian Wüthrich (kryetar i PS-Oberaargau) dhe Lirija Sejdi (CEO GBO).
Të katër kandidatët njihen për përkushtimin e tyre ndaj interesave të punonjësve dhe kanë bërë fushatë në fusha të ndryshme për përmirësimin e kushteve të punës dhe forcimin e sindikatave.
“Ne jemi krenarë që mbështesim këta katër kandidatë për zgjedhjet e Dhomës Nacionale”, është shprehur Nazmi Jakurti, kryetar i GBO-së, transmeton albinfo.ch. “Ata të gjithë ndajnë vlerat tona dhe angazhimin tonë ndaj interesave të punonjësve. Ne kemi besim se ata do të përfaqësojnë shqetësimet tona në mënyrë efektive në parlament”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?