Lajme
Në Novi Sad kosovarja në shenjë proteste nis fjalimin në gjuhën shqipe
Në Novi Sad të Serbisë dje ka nisur konferenca vjetore Regional Youth Form, ngjarje që do të zgjasë deri më 24 të këtij muaji.
Ky forum vjetor që bashkon rreth 200 liderë të rinj, orientohet drejt veprimit dhe shoqërisë aktive nga rajoni i Ballkanit Perëndimor, të cilët do të angazhohen në diskutime me politikëbërësit aktualë dhe drejtuesit rajonalë për tema dhe sfida të dukshme.
Kjo konferencë organizohet nga Lëvizja Evropiane në Serbi – dega lokale Novi Sad dhe Fondi i Beogradit për Përsosmëri Politike.
Duhet theksuar se në panelin kryesor me të ftuar presidentin serb Aleksander Vuçiç, presidentin e Sllovenisë Barut Pahor dhe Stevo Pendoravski, president i Maqedonisë së Veriut, në një tryezë me ta ishte edhe Aulonë Memeti nga Kosova.
Ky diskutim ishte tejet i tensionuar, madje Memeti në shenjë proteste për shkak të mungesës së përkthimit stimultan në gjuhën shqipe, hapi fjalën, duke iu drejtuar të pranishme në shqip.
Ajo foli për rëndësinë e ndryshimit të narrativës, pranimin e së vërtetës dhe kërkimfaljen, si kusht themelor për të vazhduar tutje.
“Përshëndetje të gjithëve, veçanërisht pjesëmarrësve shqipfolës. Tek sa po hyja në sallë për të filluar diskutimin në këtë panel, u njoftova që nuk ka përkthim në gjuhën shqipe dhe m’u kërkua që (vetëm unë) të flas anglisht dhe jo shqip. Meqë e konsidideroj të rëndësishme që politikanët prezentë të dëgjojnë çfarë kam/kemi për të thënë, nga ky moment do të vazhdoj diskutimin në anglisht.
Ne ende jetojmë në narrativën e para 30 vjetëve. Për me e ndryshu narrativën duhet me e ndryshu tregimin, e tregimi ndryshohet atëherë kur ndërmerrët diçka për të ndryshuar rrjedhën e ngjarjeve. Andaj, duhet të pyesim vetën: a kemi bërë diçka për të ndryshu rrjedhen e ngjarjeve?”, tha ndër të tjera Memeti, shkruan indeksonline, përcjell albinfo.ch.
Ndërsa, fjalimi i Aulonës nervozoi presidentin serb, i cili theksoi se “ne kemi atdhe këtu për të folur për të ardhmen, e nëse vetë po dëshironi të flisni për të kaluarën, një gjë ta keni të qartë se kurrë nuk do të pajtohemi”.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën