Lajme

OBSH: Këtë dimër në Evropë mund të vdesin 700 mijë persona nga COVID-19

Organizata Botërore e Shëndetësisë tha të martën se në rast se vazhdon trendi i rritjes së rasteve me COVID-19, gjatë këtij dimri nga kjo sëmundje në Evropë mund të vdesin rreth 700,000 persona.

Duke iu referuar rritjes drastike të rasteve me COVID-19 në kontinentin evropian, OBSH-ja tha se numri i vdekjeve mund të arrijë deri në 2.2 milionë.

“Vdekjet e raportuara parashikohen të arrijnë mbi 2.2 milionë deri në pranverën e vitit të ardhshëm”, shtoi OBSH.

COVID-19 është shkaku kryesor i vdekjeve në gjithë Evropën, si dhe Azinë Qendrore, raportoi OBSH-ja.

Shtimi i rasteve në Evropë po nxitet nga një kombinim i variantit shumë ngjitës Delta, mbulimit të pamjaftueshëm të vaksinimit dhe lehtësimit të masave, të tilla si vendosja e maskave dhe distancimi fizik, tha OBSH, raporton agjencia e lajmeve Associated Press.

\\