Lajme
OKB kërkon hetim për fatin e të zhdukurve në Siri
Sekretari i Përgjithshëm i Kombeve të Bashkuara, Antonio Guterres, ka bërë thirrje që të formohet një institucion i ri ndërkombëtar për të përcaktuar fatin dhe vendin e personave të zhdukur në Siri dhe për të siguruar mbështetje për të afërmit e viktimave.
Gjatë fjalës së mbajtur në seancën e Asamblesë së Përgjithshme të OKB-së, ku u diskutua situata e personave të zhdukur në Siri, Guterres tha se komuniteti ndërkombëtar ka përgjegjësi për “shërimin” e popullit të Sirisë dhe sigurimin e paqes së vazhdueshme, si dhe shtoi se familjet nga çdo shtresë e vendit kanë anëtarë të humbur të familjes.
Më tej, sekretari i përgjithshëm i OKB-së tha se disa persona janë rrëmbyer, ndaluar, torturuar dhe arrestuar në mënyrë arbitrare dhe se shumica e këtyre personave janë meshkuj.
Duke theksuar se situata është urgjente, Guterres tha se “mbetet i panjohur fati dhe vendi ku ndodhen rreth 100 mijë sirianë. Duhet të veprojmë me vendosmëri dhe shpejtësi për të zgjidhur këtë situatë të dhimbshme”.
“I bëj thirrje Asamblesë së Përgjithshme që të formojnë një institucion të ri ndërkombëtar për të përcaktuar fatin dhe vendin e personave të zhdukur në Siri dhe për të siguruar mbështetje për të afërmit e viktimave“, deklaroi Guterres.
Duke u bërë thirrje për bashkëpunim të gjithë vendeve anëtare dhe palëve në konflikt, Guterres theksoi se kjo në të njëjtën kohë është një përgjegjësi morale.
Edhe Komisioneri i Lartë i OKB-së për të Drejtat e Njeriut, Volker Türk, duke mbështetur shefin e OKB-së për formimin e një institucioni të ri, tha se është e rëndësishme që ky institucion të veprojë në bashkëveprim me institucionet aktuale.
“Përmasa e krizës lidhur me personat e zhdukur në Siri është shumë e madhe. Fakti që mijëra persona në një gamë të gjerë përfshin fëmijë, gra dhe të moshuar, sjell bashkë edhe thirrjen për të kaluar në veprim në mënyrë të fuqishme”, tha Türk, raporton AA.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane