Lajme

OKB: Pandemia ka lënë më shumë se 100 milionë njerëz në varfëri

Shefi i Kombeve të Bashkuara thotë se pandemia ka detyruar më shumë se 100 milionë njerëz të jetojnë në varfëri dhe ka lënë mbi 4 miliardë njerëz me pak ose aspak mbështetje sociale, kujdes shëndetësor ose mbrojtje të të ardhurave.

Të hënën, Sekretari i Përgjithshëm, Antonio Guterres, i tha në një paneli të Fondit Monetar Ndërkombëtar se mungon solidariteti global dhe njerëzit që jetojnë në vendet ku ka konflikte dhe të varfërit po vuajnë më shumë.

Një pabarazi e tillë, tha Guterres, “po krijon një terren ushqyes për dhunën dhe konfliktin”.

Një çështje kryesore, shtoi shefi i OKB -së, është se ndërsa bota e zhvilluar ka qasje në vaksina dhe është në gjendje të vaksinojë popullsinë, kombet më të varfra ende nuk kanë atë që u nevojitej.

Shefi i OKB-së u bëri thirrje kombeve të mbështesin strategjinë globale të vaksinimit të Organizatës Botërore të Shëndetit kundër COVID-19, e cila synon të vaksinojë 70% të njerëzve në çdo vend deri në vitin 2022.


LAJME INTERESANTE NGA INTERNETI