Kosova
Përkujtohet 20-vjetori i masakrës së Reçakut
Janë bërë 20 vjet që kur forcat policore dhe ushtarake serbe kryen njërën nga masakrat më të dhimbshme kundër njerëzimit në Reçak.
Në përkujtim të përvjetorit të kësaj masakre, nën përkujdesjen e presidentit, krerët e institucioneve dhe partive politike e shumë qytetarë kanë bërë homazhe në Kompleksin Përkujtimor në Reçak, përcjell albinfo.ch.
Presidenti i Kosovës, Hashim Thaçi ka kujtuar masakrën e Reçakut, duke thënë se pas gjenocidit të ushtruar nga forcat serbe u zgjua tërë bota demokratike dhe vuri në lëvizje gjithë diplomacinë ndërkombëtare. “Martirët dhe dëshmorët e Reçakut janë themeli i lirisë dhe pavarësisë së Kosovës”, ka thënë presidenti.
Kryeministri i Kosovës, Ramush Haradinaj tha se rruga e lirisë së vendit është ndërtuar nga gjaku i këtyre dëshmorëve. Ai potencoi se Kosova e 17 shkurtit do t’i ruajë kufijtë e saj.
Kryetari i LDK-së, Isa Mustafa, ka thënë se 15 janari i vitit 1999 është ndër ditët më të rënda, të njërit nga vitet më të rënda të historisë së Kosovës.
E kreu i VV-së, Albin Kurti, ka deklaruar se masakra e Reçakut ka vetëdijesuar ndërkombëtarët për luftën e padrejtë që i është bërë Kosovës. Kurti ka folur edhe për fillimin e Gjykatën Speciale, të cilën e ka quajtur të padrejtë dhe njëetnike. “Gjykata Speciale për Vetëvendosjen do të jetë gjithmonë e padrejtë dhe njëetnike. Mirëpo, ajo është votuar nga politikanë injorantë. Në Kosovë do të duhej të kishte gjykata që dënojnë krimet në paqe, siç është korrupsioni”, ka thënë Kurti.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten, por “u zbehën” nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta