Kosova

Përleshja mes policisë dhe hajdutëve, arrestohen dy të dyshuar

Një përleshje e armatosur ka ndodhur mbrëmë mes Policisë së Kosovës dhe disa personave të dyshimtë, në lagjen “Arbëria” në Prishtinë.

Gjatë ndjekjes njëri nga tre të dyshuarit ka gjuajtur me armë drejt policëve, me ç’rast policia është detyruar të shtie me armë në drejtim të të dyshuarve. Policia ka arrestuar dy persona të dyshuar, përderisa i dyshuari i tretë me  inicialet N. S,  ka arritur te ikë nga vendi i ngjarjes dhe aktualisht është në arrati. Policia thotë se ai ka qenë edhe më herët në kërkim policor për raste të grabitjes, përcjell albinfo.ch.

Policia njofton se në veturën e të arrestuarve janë sekuestruar: Një revole të tipit Zoraki,  të kalibrit 7.65 mm, me gjashtë fishekë, Një thikë, një shufër metalike, një sasi substance që dyshohet të jetë marihuanë, si dhe disa telefona celular. Dy zyrtarë policorë janë lënduar në këtë aksion dhe të njëjtit kanë marrë trajtimin e nevojshëm mjekësor.