Lajme
Pfizer akuzohet se plasoi gënjeshtra kundër AstraZeneca-s
Gjiganti farmaceutik Pfizer akuzohet se u ka dhënë shuma të majme të parave ekspertëve që të diskreditojnë vaksinën kundër koronavirusit nga kompania konkurrente AstraZeneca, e ky zbulim është bërë dhe transmetuar nga televizioni britanik Channel 4.
Pfizer pretendohet se ka financuar prezantimin, ku folësit kanë “konstatuar” që vaksina e AstraZeneca mund të shkaktojë kancerin dhe se nuk është e sigurt për pacientë me imunitetin e dobët.
E deri te kjo deklaratë erdhi gjatë një seminari në Kanada që u mbajt gjatë vitit të kaluar, por nuk dihet sesa prezantime të tilla ka pasur apo nëse bëhet fjalë për një rast të izoluar, transmeton Telegrafi.
Por Pfizer ka mohuar akuzat, duke theksuar se ky prezantim në mënyrë të rrejshme po u faturohet atyre dhe se atë e ka organizuar pala e tretë.
Një fakt tjetër interesant nga hulumtimi nxjerr në pah se shpenzimet e prodhimit të dozave të vaksinës së Pfizer kanë kushtuar vetëm 76 peni për një injeksion.
E duke marrë parasysh që Pfizer kërkon 22 funte për dozë, kjo tregon marzhën e fitimit prej 3.000 për qind në raport me çmimin e prodhimit.
Pfizer këmbëngul se këto përqindje janë të pasakta dhe se nuk është marrë parasysh hulumtimi klinik, prodhimi në nivel masiv dhe distribuimi global.
Profesori Sir Andrew Pollard, drejtor i Oxford Group që ka zhvilluar vaksinën AstraZeneca, ka mohuar pretendimet dhe ka paralajmëruar për rrezikun e përhapjes së dezinformatave për vaksinat.
“Ekziston rrezik i madh nga dezinformim, pasi kjo i detyron njerëzit të spekulojnë për vaksinat dhe kështu rrezikojnë jetën e tyre. Kjo mund të ndikojë në vendimet e njerëzve sa i përket shëndetit të tyre dhe të krijojë pasiguri”, shtoi ai.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Në cilat punë në Zvicër punëtorët e huaj fitojnë më shumë se zviceranët? Në përgjithësi supozohet se të huajt që punojnë në Zvicër kanë paga më të ulëta se...
-
Kaos në tunelin Gotthard: Shoferët sulmojnë aktivistët e klimës (VIDEO)
-
Zvicra po përballet me kritika për mungesën e ndihmës financiare për Ukrainën
-
Komiteti i parlamentit zviceran propozon trefishimin e taksave për studentët e huaj
-
Rrëshqitja e shkëmbinjve në Brienz: A ekziston një kërcënim?