Policia e gjen një armë në një autobus me udhëtarë në Merdar

Policia e Kosovës ka gjetur armë në bagazhin e një autobusi të udhëtarëve në pikën kufitare në Merdar.

“Më datën 20.12.2023, në ora 09:05 në Pikë Kalimin Kufitar në Merdar, në hyrje të Republikës së Kosovës, zyrtarë policorë kufitarë, së bashku me zyrtarët doganorë, gjatë kontrollimit në bagazhin e autobusit të një kompanie vendore, i linjës ndërkombëtare Itali-Kosovë, me vozitës m/k dhe ndihmës vozitës m/k kanë gjetur një armë (revole me gas), e cila kishte qenë e fshehur në një valixhe udhëtarësh. Arma e gjetur është sekuestruar, me autorizim të Prokurorit të Shtetit është iniciuar rasti në procedurë të rregullt “Import, eksport, furnizim, transportim, prodhim, këmbim ose shitja e paautorizuar e armëve apo materieve plasëse”, thuhet në njoftimin e Policisë së Kosovës.