Maqedonia
Presidenti i ri maqedonas flet për kufinjtë e Kosovës
Pas marrjes së detyrës zyrtare, presidenti i ri i Maqedonisë së Veriut, Stevo Pendarovski, ka paralajmëruar vizitën në Kosovë.
Ai thotë se dëshiron që të përfundojë sa më shpejt autostrada, ashtu që Shkupi e Prishtina të afrohen. Pendarovski për idenë e dy homologëve të tij, Thaçi e Vuçiq, në lidhje me shkëmbimin e territoreve, thotë se “nuk kam dëgjuar ide më të keqe”.
Pendarovski thotë se është i lumtur që ka mundësinë që të vizitojë sa më shpejt Kosovën, duke u bërë presidenti i parë i Maqedonisë Veriore që realizon vizitë të tillë, shkruan Kohanet, përcjell Albinfo.ch.
“Më vjen mirë që do të jem Presidenti i parë i Maqedonisë Veriore që do të kem mundësinë të vizitojë”, ka thënë ai, duke iu referuar Kosovës.
Pendarovski shprehet kundër idesë së ndryshimit të kufijve, që e kanë promovuar presidenti Hashim Thaçi dhe presidenti serb, Aleksandar Vuçiq.
“Më të keqe se kjo ide nuk kam dëgjuar. Po të ishte e mundur që kjo çështje të zgjidhej në tavolinë, deri tash do të zgjidhej. Mbështes me të dy duart qëndrimin e Bashkimit Evropian që mbështet zgjedhjen për arritjen e marrëveshjes mes Kosovës e Serbisë që nuk e destabilizon rajonin”, ka thënë Presidenti i ri maqedonas për televizionin publik të Kosovës.
Për autostradën Prishtinë – Shkup thotë se do të angazhohet që të ndërtohet sa më shpejt dhe se do përafrim me kryeqytetin kosovar.
“Duhet të përfundojmë sa më shpejtë pjesën tonë të autostradës. Duhet të them me keqardhje se puna në anën tonë është vonuar më shumë në krahasim me atë që kanë bërë autoritetet në Kosovë”, ka thënë Pendarovski.
“Personalisht do të angazhohem që të kemi lidhje të shkëlqyeshme mes Kosovës e Shqipërinë”, u shpreh ai.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën