Shqipëria
Presidenti ukrainas falënderon Shqipërinë për qëndrimin kundër Rusisë
Presidenti i Ukrainës, Volodymyr Zelenksy, ka falënderuar kryeministrin e Shqipërisë, Edi Rama, për qëndrimin ndaj agresionit rus në Ukrainë, për mbështetjen e mbrojtjes dhe atë politike teksa ka përmendur edhe pjesëmarrjen e Shqipërisë në takimin e katërt të Formulës së Paqes në Davos.
“Kam folur me kryeministrin Edi Rama për ta falënderuar për qëndrimin e vendosur të Shqipërisë ndaj agresionit rus ndaj Ukrainës dhe mbështetjen për vendin tonë, si dhe mbështetjen e mbrojtjes dhe atë politike. Përfaqësues të Shqipërisë morën pjesë në takimin e katërt të Formulës së Paqes në Davos. Detyra jonë aktuale është të përgatitemi për Samitin Global të Paqes dhe ne mbështetemi në pjesëmarrjen aktive të partnerëve tanë, përfshirë Shqipërinë”, ka shkruar Zelensky.
Përmes një postimi në rrjetin social “Twitter”, ai ka thënë se gjatë bisedës me Ramën kanë diskutuar për zgjerimin e programeve të trajnimit të ushtarëve ukrainas me Shqipërinë, transmeton albinfo.ch.
“Ne diskutuam gjithashtu mënyrat për të thelluar dialogun Ukrainë-Ballkan dhe për të avancuar bashkëpunimin tonë me karakter mbrojtës. Theksova gjithashtu rëndësinë e vazhdimit dhe zgjerimit të programeve të trajnimit të ushtarëve ukrainas me pjesëmarrjen e Shqipërisë”, ka shkruar ai.
Ndryshe, më 30 dhjetor Zelensky ka ndarë dekret shtetëror për Ramën duke i dhënë vlerësimin e klasit më të lartë. Rama është vlerësuar për kontributin e rëndësishëm në forcimin e bashkëpunimit ndërshtetëror, mbështetjen e sovranitetit shtetëror dhe integritetit territorial të Ukrainës.
Të tjera nga Shqipëria
E-Diaspora
-
Kaq mërgimtarë u regjistruan deri më 9 maj Ushtruesi i detyrës së drejtorit ekzekutiv të Agjencisë së Statistikave të Kosovës, Avni Kastrati, u shpreh...
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
Jeta në Zvicër
-
Pensioni i 13-të i AHV mund të paguhet përnjëherë në fund të vitit Këshilli Federal ishte i hapur të premten për mundësinë e pagesës së pensionit të 13-të të...
-
Në Ticino, do votohet për rregullimin e ligjit tatimor
-
Kurti bisedon me ish-Presidenten e Zvicrës, flasin për bashkëpunimin e mbështetje për anëtarësimin e Kosovës në KiE
-
Kompania e tre vëllezërve Aliti “a3 Haustech AG” ndriçon shtëpitë zvicerane
-
Kujdes nga mashtrimi i ri SwissPass në Zvicër